ATP Finals : Djokovic hnehtu Jannik Sinner

Italian tennis star Jannik Sinner chuan a vawikhatna atan Novak Djokovic lakah hnehna a chang a. ATP Finals inkhelah world number one lakah a chak.

Kum 22 mi hian Turin a inkhelah hian darkar thum leh minute 9 chhungin 7-5 6-7 (5-7) 7-6 (7-2) in hnehna a chang a. July thla a Wimbledon final hnua kum 36 mi Djokovic a tlawm leh hmasak ber tum a ni.

Sinner hian an ramah ngei Djokovic-a match 19 chak zawnlai a titawp a, inrintawkna lian tak neih phah ngei dawnin Green Group a inkhel a hmachhawn vawi thumna ni turin Holger Rune a hmachhawn leh ang.

Set hmasa ber a lak hnuah Djokovic hian 4-2 a hniam zawk a nih hnuah set khat la let mahse set hnuhnung berah tie-breaker ah Sinner a chak ta zawk.

“Inkhel a hun pawimawh laiah huaisen takin ka khel a, thutlukna ka siam dik thin bawk. Kan kheltha ve ve a, tun tuma kan inkhel chu tennis class sang tak a ni in ka hria.” tiin world number four Sinner chuan a sawi.

Inkhel dangah Stefanos Tsitsipas chu inhliam avangin a inhnukdawk a. Holger Rune nen an inkhelh laia a inhliam avangin a chhunzawm thei lo. Hei vang hian Djokovic-a tan semi-final kawng a la inhawng.

Leave a Reply

error: Content is protected !!