I-League : Manipur club lakah Aizawl FC an chak

Aizawl FC in NorthEast derby-ah hnehna an chang a. NEROCA FC nen inkhelin second half-ah Lalrinzuala hattrick hmangin 3-1 in an chak.

Thawhlehni zana Kalyani Stadium a I-league inkhelah hian Mizo club in goal chhuah hmasa mahse second half ah insiamtha in inkhel an thunun a. Tun season a vawi hnihna atan hnehna an chang.

Aizawl FC in tlarhmaah Rinzuala chu R. Ramdinthara leh Lalthanmawia te an thlawp tir a. Tlarhnungah Gustavo Silva chu a laiah dingin Zoherlina, Lalmuanawma leh Laldanmawia te nen an intlar.

A tir atang Aizawl FC in an khingpui an nawr a, amaherawhchu NEROCA hnung lam an chesual lo.

Minute 33-naah counter-attack rang atang Tarak Hembram chuan NEROCA tan goal a khung a, Aizawl FC an barakhaih.

Halftime zawhah Sheikh Sahil dahluh niin Aizawl FC an insiksawi a, an hlauhawm sawt.

An goal bawh nat avangin lehlam goalkeeper Soram Poirei a cheusl a, Rinzuala’n an si phurh sutna goal a khung.

Minute 81-naah striker tha a nihna lantirin an goal hnihna fing takin a khung a. Huntawp hma substitute Lalbiakdika penalty hlawhchhuah atang an goal thumna a khung.

Aizawl FC hian match thum khelin point ruk an hmu a, palina ni mekin naktuk tlai dar 4:30-ah Delhi FC nen an inkhel leh ang.

Leave a Reply

error: Content is protected !!