Bihar atanga kuthnathawka inhlawhfa mi pasarihte chu Pathianni zan khan Himachal Pradesh-a Mandi district chhunga lei dawh chungah an tlan laiin lei hi a chim a, mi pasarih thiin lirthei khalhtuin hliam na tak a tuar.
Heng mite hi Mahindra pickup-ah an chuang a. Mandi-Ner Chowk highway-a Gharat lei hian a chim hnan ta a ni.
Inhlawhfate hi Ludhiana atangin bus-in an chhuak a, Ner Chowk atanga Mandi pan turin lirthei dangah an chuang leh a. Anmahni chhawrtu contractor-in Ner Chowk an thlen theih nan hian pickup hi a tirh a ni.
Mandi SP Shalini Agnihotri chuan a hmunah mi paruk an thih thu sawiin mi dang pahnih chu hliam an neih avangin damdawi in an panpui hnuah pakhat zawk hi a hliam tuar lovin a thi ve leh niin a sawi.
SP Agnihotri hian hliam tuar pakhat zawk hi an chuanna lirthei khalhtu a nih thu leh damdawi inah enkawl mek a nih thu a sawi bawk.
Police-te chuan IPC section 279 (duhdah taka lirthei khalh), 338 (mi dang laka natna thlen) leh 304 A (ngaihthah avanga thihna thleng) hmangtein FIR an ziak lut nghal.
Prime Minister Narendra Modi chuan he chhiatna avanga nunna chan an awm chu pawi a tih thu leh mitthi chhungte pawh a tawrhpui thu a tar lang.