Premier League club Newcastle United chuan Manchester City midfielder Kalvin Phillips chu January thla hian lakluh tumin hma an la dawn.
England midfielder hian tun season-ah Manchester City tan inkhel vawikhat chiah a bul tantu zingah a la tel a. A club lam pawhin January thla hian lakluh tum a ngaihventu an awm chuan indawrna kalpui an inpeih.
Magpies hian an midfielder Sandro Tonali chu pawisa inchawi thubuai avanga thla 10 chhung hrem a nih avangin midfielder thar an duh a. Hetihlai hian Juventus leh Bayern Munich te pawhin Philips hi an ngaihven ngawrh ve hle.
Kum 2022 khan Manchester City hian Pound maktaduai 43 in Philips hi Leeds United atangin an lalut a. Beisei sang tak neiin team zawm mahse Pep Guardiola hnuaiah first team hmun nghet a chang thei lo.
Euro 2024 khelh a hnaih tawh avangin England team-ah a hmun a chan mai ang tih hlauhna a lian a, hei vang hian kum 27 mi Philips hian a khelh tamna tur hmun pan a duh.
Season liamta khan Philips hian inkhel vawi li chiah bul a tan a, heng zinga Premier League game hnih a bul a tan hi an champion chian tawh hnuah chauh a ni.
Tun season-ah September thla a Newcastle United laka an tlawm tuma bul a tan bak starting XI-ah hmun a la chang lo.