Netherlands in Euro 2024 khel tura tling chiang turin 1-0 in Republic of Ireland an hneh.
Inrinni zana Johan Cruijff Arena a inkhelah Dutch team tan Hoffenheim striker Wout Weghorst chuan goal awmchhun a khung a. Minute 11-naah goal khungin hei hi a tawp thlengin an hum.
Mualneitu lamin an mikhualte lakah inkhel an thunun tha hle a, Ireland in an khingpuite an tihthaih hleithei lo.
An goalkeeper Gavin Bazunu chuan Tijjani Reijnders goal khung belh tur a dansak bawk.
Inkhel dangah France in hnehna an chan chian ber tum hmangin 14-0 in Gibraltar an hneh.
Nice a Allianz Riviera a inkhelah France tan Kylian Mbappe chuan hattrick a siam a, rawlthar fak hlawh Warren Zaire-Emery chuan ram tana a inkhelh hmasak berah goal a khung nghal bawk.
Kingsley Coman leh Olivier Giroud ten goal hnih an khung ve ve a. Marcus Thuram, Jonathan Clauss, Youssouf Fofana, Adrien Rabiot leh Ousmane Dembélé ten goal khat theuh khungin own goal pakhat an nei bawk.
Croatia in Lovro Majer leh Andrej Kramaric te goal hmangin Latvia an hneh thung.