England leh Real Madrid midfielder Jude Bellingham chu European football a league hrang hranga player-te zinga kum 21 hnuailam zinga chawimawina sang a dawng a, 2023 Golden Boy award a dawng.
Kum 20 mi Bellingham hian tun nipuiah Borussia Dortmund atangin Real Madrid a zawm a. An tan match 14 khelin goal 13 a khung tawh a, bul a tan tha tak zet.
Thla hmasa khan Paris a Ballon d’Or semnaah khawvela Under-21 player tha ber chawimawina hlan a lo ni tawh bawk.
English mi zingah Bellingham hi kum 2014 hnua he chawimawina dawng leh thei hmasa ber a ni a. Raheem Sterling-a hnung a zui.
“Birmingham, Dortmund leh tunah Real Madrid-ah te, he zinkawng ka lo zawhpui tawh zawng zawngte chungah lawmthu ka sawi duh a ni.” tiin Bellingham chuan chawimawina a dawn hnuah a sawi.
Colombia leh Real Madrid forward kum 18 mi Linda Caicedo chuan hmeichhe chawimawina Golden Girl a dawng ve thung.