A hun takah tennis star Novak Djokovic a par vul a, ATP Finals-ah record ni turin a vawi sarihna atan a champion.
Pathianni zana Turin a inkhelah hian kum 36 mi Serbian star hian Jannik Sinner chu 6-3 6-3 in a hneh.
Sinner hi group stage-ah Djokovic laka chak tawh a ni a, mahse final-ah erawh a khingpui lakah tennis tha a khelh thin ang a khel hleithei lo.
Djokovic chuan season a khar that chu a lawm thu a sawi a, “Ka tennis khelh chhunga season ka hman that ber pawl a ni ang.”
“Ka tan a hlu a, tualchhung player tha Jannik han hneh theih hian a ti hlu zual. Tunkarah a kheltha tak zet.” a ti a.
“Group stage a kan inkhelh tum ang lo khan ka khel a, ka inthlak danglam kha ka chak theih phah a ni.” tiin Djokovic chuan a sawi.
World number one Djokovic hi Roger Federer nen ATP Finals a vawi ruk champion ni a intluk reng an ni am mahse a hlawhtlin tak avangin Federer kalsan in aman record thar a siam ta a ni.