Italian rider Fabio di Giannantonio chuan MotoGP ah a vawikhatna atan hnehna chang turin Qatar Grand Prix-ah pakhatna a hauh a. World champion nih tum Francesco Bagnaia chu intlansiak tawp dawn lamah lehpelin a chak.
Lusail International Circuit-ah world championship hmahruaitu Bagnaia hi lap li a la awmin a tlan sual a, hei hi Di Giannantonio hian remchangah a la.
World title a inchuhpui Jorge Martin chu Inrinni a sprint race-ah pakhatna a nih avangin an pahnih inkarah point sarih chauh a awm a. Karleh a season kharna Valencia a neih turah champion inchuhna boruak a sang dawn.
Bagnaia chuan, “Bul ka tan tha hle a, mahse Digi kha a ngaihna a awm lo. Chak a phu a ni.” tiin a hnampui a fak.
Hetihlai hian Prima Pramac Racing chu team champion an ni chiang tawh a. Factory team ni lo Teams’ champion ni thei hmasa ber an ni.