- I pasalin nangmah aia pawnlam leh a thiante kawm nuam a tih zawk chuan nangmah inenfiah hmasa ang che. Thil dang zawng aia a ngaih pawimawh theih nan che kawmngaihin, titipui tam tum thin rawh.
- Inngaihzawnlai ang thoin pasal te bulah awm tum thin rawh. Nu nih tawh hnu hian inthlahdah mai a awl a, fate kan ngaih pawimawh rualin pasal te ngaih pawimawh tel reng tur. I pasal i ngaih pawimawh tawk loh chuan a hlat tial tial mai ang che.
- Hmeichhia zawk nih vangin pasal te pawngpaw hlauh a, an thu a kawi a ngil zawm vek kher zel tur tihna a ni lo. An dik lohna leh thiamlohnaah haua zilh ngam ve tur khawpin inpawhna tha a tir atangin neih tum la. I lungawi lohna sawi chhuak ngam lo khawpa i pasal i hlauh chuan i hrehawm tawlh tawlh ang.
- I pasal duh zawng leh a titi duh zawng tawmpui thei tur khawpin i pasal mizia zir chiang ang che.
- I pasal thian te chu i thian teah ngai la, kawmngeih ve zel tum la, i rilru hahna tur tam tak i pumpelh ang.
- I pasal laka i lungawi lohna, thinrim hmel taka tih lan leh awka vin a sawi ai chuan i in-control theih hun nghak la, dam thlapa i sawi khan mipa rilru i hneh hma zawk dawn a ni tih hre reng ang che.
- A hna thawhnaa a chhuah dawnin hlim hmel takin thlah thin la, a lo haw hunah a hahdam sawng sawng theihna tur khawpin lo welcome thin ang che.
- Thikthu chhiat vang hian duh loh thleng thlengin thil a kal thui palh thei. Thik i lo nei a nih chuan i thikthu tilang mai lovin, i lama i hip beh tlat theih nan tan i la sauh sauh zawk dawn nia.
- Tupawh mai hian Order deuha intirh/ tawngkhum hi kan ngai thei lo. Chuvangin i pasalin lo ti ve tura i duh chu awka dam takin hrilh thin la, phur takin a pui zawk ngei ang che.
- Fa neih hnuah Nupa nun hman châkna i neih tlem phah a, a chang chuan i hne ngawih ngawih thin a nih chuan nangmah in adjust rawh. Nu te hi naute nen, inchhung khawih nen chhunlamah kan hah ve thin a, fa te zan mut hnu chauh hi kan hahdam ve theih lai a ni.
I fate chu zan lamah hunbi neiin mut hmatir la, chhunlama i hahna te i rilru atanga dah bovin, i pasal tan chauh i rilru inpuahchah rawh le.
Thil reng reng hi zir theih vek a ni a, zir ngai lova hriatsa hi a awm theih laiin, hriatsa anga lang pawh hriat belh leh zir belh theih vek a ni, tih i hrereng thin dawn nia.