Portugal in Euro 2024 qualifying-ah an group inkhel zawng zawngah hnehna an chang vek a, Iceland lakah 2-0 a chakin point 30 an hmu.
Lisbon a Estádio José Alvalade a inkhelah Portugal tan Manchester United captain Bruno Fernandes chuan goal hmasa a khung a. Second half-ah Ricardo Horta chuan an goal hnihna a khung ve leh.
Portugal hi January thla a Roberto Martinez an chhawr hnuah an inkhel apiangah an la chak vek.
Inkhel dangah Belgium striker Romelu Lukaku chuan first half-ah goal li a khung a, player 10 a inkhel zo Azerbaijan 5-0 in an hneh.
Kum 30 mi Lukaku hian Belgium tan vawi 113 inkhel tawhin goal 83 a khung tawh a, international football chanchin a mipa goal khung hnem pasarihna a ni mek.
Belgium tan Leandro Trossard chuan an goal nga na second half-ah a khung ve leh bawk.
Scotland in Euro 2024 qualifying hlawhtling an hman chu point hmu in an khar a, Norway nen inkhelin 3-3 in an inhnehtawk a, John McGinn, Stuart Armstrong leh Leo Ostigard own goal te an nei.