AZL: Indigo Airlines-a executive security hna thawk, HT Vanlalruati chu crystal meth leh .22 silaimu man chhuah kawnga a thawh hlawk avangin Mizoram Police-in lawmthu sawina an hlan.
October 3, 2023 zing dar 9:20 khan HT Vanlalruati chuan Indigo screening point-a bungrua an endik laiin, suitcase pawl pahnihah rinhlelhawm hmuin a enfiah hnuah kg 10.200-a rit crystal meth packet 10 hmu chhuakin police hriattir an nih hnuah man an ni.
Suitcase hi Indigo Airlines passenger Lalremtluangi (38) leh Tinchuaii, Letpanchhawng, Myanmar te ta niin, Aizawl atanga Delhi-a zin tum an ni.
HT Vanlalruati hian October 9, 2023, chawhnu dar 1 khan passenger pakhat, William (35), Churachandpur hnen atangin .22 silai mu pakhat a hmu chhuak bawkin, Sairang Police kutah hlan a ni a. Sairang PS-ah thubuai ziah luh a ni bawk.
HT Vanlalruati inpekna leh hna a thawh that avanga lawmthu sawi nan Anil Shukla, IPS, DGP, Mizoram chuan nimin khan pawisa fai Rs 5,000 a hlan.