Euro 2024 qualifying playoffs khelh dan tur Ningani zing khan pawh a ni a. Germany pan tura inel turte an hriat tawh.
Path A-ah Wales in Finland an mikhual dawn a. An inkhel a chak zawk hian Poland leh Estonia inkhela chak zawk an hmachhawn leh ang.
Path B-ah Bosnia and Herzegovina leh Ukraine inkhel a chak zawkin Israel leh Iceland a chak zawk an hmachhawn ve dawn a. Ukraine leh Israel te hi an ram indona avangin mahni mualah an khel dawn lo.
Israel hi kum 1994 a UEFA member a nih hnuah European Championship khel turin an la tling ngai lo.
Path C-ah Georgia emaw Luxembourg in Greece leh Kazakhstan a chak zawk an hmachhawn ve dawn a ni.
March 21-ah Playoffs semi-final te khi khelh a ni anga, ni nga hnuah finals hi khelh a ni ang.
Finals a chak ram pathumte hian Euro 2024 khel tur ram 24 zinga hmunawl pathum la awm chu an luah dawn a ni.
December 2-ah Euro 2024 tie draw hi neih a ni ang.