Aizawl : MJA district hqrs., Lunglei chuan nimin khan Lunglei Press Club-ah MJA member thar lak luhna inkhawm an buatsaih.
MJA member thar lakluh puala inkhawm hi Thanghmingliana Renthlei, Vice President, MJA dist., hqrs., Lunglei chuan a kaihruai a. MJA Lunglei President Laltlanthanga chuan thu sawiin, MJA member atana lawm luh Chawngchhuana Chongthu., Editor, Zonet JB chu MJA member atan lawm takin a lawm lut tih sawiin, tunlai social media chak tak karah MJA member thar an awm belh zel chu lawmawm a tih thu a sawi.
He hun hmanpuitu Lunglei District IPRO N.Vabeiratlua, H. Lalthansanga, MJA Senior member leh Chawngchhuana tawiawmtu thenkhatte pawhin thu an sawi bawk.
Member thar lawmluhna inkhawmah hian Lungleia MJA member-te, DIPRO leh thawktute bakah mipawimawh tak takte an tel a ni.