Aizawl: Tuipui leh Darzo inkara homastay cabin pali sak thar chu Inrinni khan LAD Dirextor Rita Lalnunmawii Pachuau-in a hawng.
Rural Homestay and Agro Tourism atana cabin palite hi sorkar laipui Ministry of Panchayati Raj hnuaia Rashtriya Gram Swaraj Abhiyan (RGSA) kaltlanga Rs. 84,00,000 senga sak a ni.
LAD Director Rita Lalnunmawii Pachuau chuan Rural Homestay and Agro Tourism chu a changtu LAD chuan sa turin hma an lak thu a sawi a. Tuipui ‘D’-ah mikhual thlen/riahna tur nuam leh tha tak, homestay cabin pali sak puitlin a ni ta hi a lawmawm a tih thu sawiin, tangkai taka Tuipui ‘D’ leh Darzo khawtlangin an hman a beisei thu a sawi bawk.
Homestay Cabin hawngtu, Rita Lalnunmawii Pachuau hi Lalchawimawia, Joint Director, LAD, State Nodal officer ni bawk leh State Project Manager Mizoram bakah Darzo leh Tuipui ‘D’ Village Council member ten an telpui a ni.