AZL: Baptist Church of Mizoram (BCM) Kikawn Kohhran chuan an member pahnih in sa chhunzawm thei lote an sakpui.
BCM Kikawn, Bazar veng Lunglei, Tualchhung Relief & Development Committee-in ruahmanna a siam angin BCM Kikawn chuan an member pahnih – Lallawmthangi (hmeithai) leh V. Lalrinenga (parawl) te in sa mek chhunzawmna nei lote chu nimin hnatlangin an sakpui a, member 54 chuang an thawkchhuak.
BCM Kikawn hian hun hmasa lamah an member 10 chuang in an lo sakpui tawh a, mi thahnemngaiten in sakna bungrua an thawh thin a, kohhranin hmanrua eng emaw zat an leisak bawk a, hnatlangte thingpui a tum thin bawk.