Assam-a special CBI court chuan nimin khan kum 2008-a bomb tihpuahnaa inhnamhnawih mi 15-te chu thiam loh a chantir.
Guwahati-ah nimin khan court hian an chungchanga thutlukna hi a puang a, mi 81 an thihna bomb puakah hian thiam loh a chantir hlawm a ni.
Thiam loh chantir zingah hian dan pawna dah mek, National Democratic Front of Bodoland (NDFB)-a an hotupa, Ranjan Daimary pawh a tel a, ani hi bail-a chhuah mek a ni a. Hrem an nih dan tur hi naktuk hian puan a ni ang.
Bomb hi October 30, 2018 chhun lai velah Guwahati-a bazar lun lai leh Assam khawthlang lamah hmun 18 laiah tihpuan a ni a. Thite bakah hian mi 470 zetin hliam an tuar a ni.
He thilah hian mi 22 inrawlh nia hriat a ni a, an zinga mi 7 erawh bomb puakah hian an thi nia hriat a ni bawk a. Thubuai hi kum 2017-a ngaihtuah tan a ni a, court hian thuhretu mi 650 zet thu a zawt a ni.