Cameroon khawthlang lama truck leh bus insu, kang zui taah mi 53 vel an thi a, mi 29-in hliam an tuar bawk.
He chhiatna hi Santchou khuaa thleng niin hliam tuarte hi Dschang leh Bafoussam khuaah hruai nghal an nih thu West Region Governor Awa Fonka Augustine chuan a sawi.
“Dan lova tuialhthei phur truck leh mi 70 chuan theihna bus, tuipui kama Douala leh West Region khawpui, Bafoussam pana kal an insu a ni,” tiin Augustine chuan a sawi a. “Truck leh bus hi a kang zui a, bus-a chuangte pawh a kang tel a ni,” a ti.
Mi 29-in kang hliam na tak an nei a, a bul hnai khuaa damdawi inah hian lak an ni hlawm.
Chhiatna thlen hun hi an ram sanaa Nilaini zing dar 3:30 (India-a zing dar 8:00) vel a ni a. An insut chhan chiang taka hriat theih a ni lo.