Aizawl: Thawhtanni zan thim hlim vel khan B.Chhingpuii, kum-60, Amobyuh-Ch (Maubawk-Ch), Siaha district chu a pasal N.Hnemsanga, kum-51, chuan chemtein a vit hlum.
Thudawnnain a sawi dan chuan an nupa inhnialna atangin a pasal hian an inchhunga chemte chuan a nupui vawk chaw chhum lai chu a hnung lam atangin a nak ding lamah a vit a, ka pawh chhawn hman loin a boral zui nghal mai niin a sawi.
An inhnial lai hian a nupui nau fapa Rinthanga (30) vel tur leh a thian pa an awm a. Mahse, anni pahnih hi hnathawk haw insil zo hlim room a an awm laia thil thleng a nih avangin an inhnial chhan tak pawh an hrechiang bik lo a ni.
N.Hnemsanga hian a nupui a vit zo chiah hi pawnah a tlanchhuak nghal a, an in bulah a vihna chemte hi a paih a. An in atanga hla vak lo a awm Taxi chu hire in Siaha Police-ah inpe turin an kal nghal nia thudawn a ni.