Zoram Peoples Movement (ZPM) Zonu headquarters chuan Project 50 an kalpuia a ti tha zual Zonu Unit pathum hnenah nimin khan an pisa-ah lawmman an sem.
September 7, 2023 khan ZPM Zonu chuan Sakawrtuichhunah Project 50 khuhhawnna an lo nei tawh a ni.
Lawmman semna inkhawmah ZPM Zonu hqrs. President R Lalawmpuii chuan Project 50 chungchang sawi fiahin, Project 50 in a tum ber chu a khuhhawnna neih ni atanga Inrinni leh Pathianni chhiar tel lovin, ni 42 chhunga ZPM member thar hlak mi 50 aia tlem lo, Aizawl khawpui chhunga ZPM Zonu Unit tinten hmuh an tumna project a nih thu a sawiin, “He project hi inthlanpui kan neih zawh takah pawh khan a tangkai hle. Politics-a inhmang ngai lo hmeichhe tam tak khawrh chhuahna hmanraw tha tak a ni,” a ti.
R Lalawmpuii hian Project 50 a hlawhtlin theih nana phurpuia thawktu Zonu Unit hruaitute leh ZPM General Hqrs hruaitute chungah lawmthu sawiin, lawmman tumtu an Working President K Sapdanga chungah lawmthu a sawi bawk.
He hunah hian ZPM President K Lalliansawta, Leader Lalduhoma, working president leh Vice President Kenneth Chawngliana ten thu an sawi bawk.