NH-54 kawng za- uh leh thawmthat hna kalpuina project (Aizawl – Tuipang)-a Lawngtlai AOC veng leh Thingkah inkara hmalaknate chu nimin khan Lawngtlai Baw- rhaap Joseph H.Lalramsanga hova endik a ni a. Kawng zauh hna kalpui tan tawh, la zawh fel si loh ava- nga tuilakna chatlak leh kawng khu avanga mipuiin harsatna an tawh dan te khawtlang hruaitu ten an lo thlen a, chak zawk leh sawt zawka hma la turin NHIDCL hotute hrilh nghal an ni.
Lawngtlai Bawrh- sap chuan Kristian te hunpui a hnaih tawh avangin khawtlang ta- na harsatna leh buaina thlen thei zawnga hma la lo turin NHIDCL-a thawktute chu a chah a. Hemi kawnga vilp- ui tur leh a tul apianga pui turin khawtlang hr- uaitute a ngen bawk.
Kawng endiknaah hian kawng zauhna atana ramin a huam chin, zangnadawmna dawng tawh si, hna- thawhna tur tithuanawp thei zawnga la insasenglo te chu a rang lama insaseng tura hriattir an ni a. Lungawilohna la neitu chu an lungawilohna kimchang thuneitute hnena thlen tura hrilhhriat an ni.
Bawrhap hova ka- wng endiknaah hian Lawngtlai Addl. DC Abraham Beirazi Khi- thie leh official dang te bakah NHIDCL Ge- neral Manager, Villa- ge Council leh YLA-a hruaitute an tel bawk.