Aizawl : SVEEP (Systematic Voters’ Education and Electoral Participation), Aizawl dist-in MLA inthlana vote a tlak that theihna tur leh voter ten duhthlanna dik an siam theihna tura SVEEP thu- pui behchhana Editorial ziak tha Aizawl district-a chanchinbu te hnenah lawmman a hlan.
Bawrhsap, DEO ni bawk Nazuk Kumar-i’n October ni 16 atanga November ni 7, 2023 inkara SVEEP thupui ‘Greater Participation for Stronger Democracy’ leh a thil tum zulzuia Editorial ziak tha pathum te nimin khan la- wmman hi a hlan a. Vir- thli, Vanglaini leh The Aizawl Post ten lawmpui- na thuziak leh Rs. 5,000 theuh an dawng a ni.
Aizawl Bawrhsap ch- uan Mizo mipuite chu dan zah leh ngaihpawimawh nachang hre ber zing ami nia a hriat thu sawiin, pr- ess mite pawhin hemi atan hian hna pawimawh tak an thawk tih a hriatpui thu a sawi a. Inthlan vote thlak zawh taka thuthar thehdarhtute hnathawh danah lawmthu sawiin, sorkar an tawiawm dan leh inthlan felfai tak nei thei tura an hma zawna theihtawp an chhuah danah lawm- thu a sawi bawk.
Chanchinbu aiawhte pawhin inthlan muanawm leh felfai neia vote thlak tura mipui sawmna thu an lo ziah chu an mawhphurhna ve reng a nih thu leh, lawmman beiseia ziak an nih loh thu an sawi a. Aizawl DEO leh SVEEP committee-in ruahmanna an siam kaltlanga lawmman an dawng chu lawmawm an tih thu an sawi.