- Lallunghnema, Charity Lodge
Electricity connection hi notice pek hmasak phawt loh chuan disconnect theih leh phal a ni lo. Vai rama Consumer Commission thu tlûkna hi lo chhiar teh le.
East Delhi Commission chuan hetiang hian thutlukna a siam a. Live Law-in saptawnga a tarlan dan ngau ngauvin ka han tarlang ang e. “Electricity Connection Cannot Be Disconnected Without First Serving Notice” tiin.
East Delhi Consumer Disputes Redressal Commission chuan BSES YAMUNA PRVT. LTD hnenah Electricity chu pe chhuak thuai tur leh compensation pe nghal turin order a ti chhuak a ni. Hei hi chhiartuten lo hre rawh u. Hriattirna hmasa awm lo chuan a pawng a takin electric connection intih tawpsak theih kan ni lo, tih hi kan vawng reng tur a ni.aMizoramah hian thleng lul suh se. Bill erawh tha takin pe ila.
Ka han ‘repeat’ leh ngat teh ang. Innghahna tlak thu bul bal nei lo va BSES (Electricity Provider) in electricity connection a tihtawpsak avaingin Delhi a cheng pa pakhat chuan East Delhi District Consumer Commission hnenah lcomplaint a theh lut a. A hming ni lova Bill a lo thlen avangin a tan bill pek ngaihna a awm lo a ber. .Mahse,Notice pe hmasa lovin a electric connection chu tihtawpsak a ni ta thova.
Tichuan, District Consumer Commission chuan ngun taka a ngaihtuah hnuin Deficiency in Service a awm ngeiin a hria a,chuvangin BSES, Yamuna Power Ltd. hnenah hian hremna a pe ta a ni.
Hei pawh hi chhiar rawh.I lo hriat atan a tha e.
Misleading Advertisement avangin Khan Study Group chu Rs. 5 lakh chawi tura hrem a ni.
He Coaching Institute hian an advertisement tih chhuahah hian kum 2022 UPSC exam buatsaihah zirlai thlan chhuah 933 a 682 te chu an Institute atanga zir chhuak an nih bakah top 5 a tlingte pawh an Coaching Institute atanga chhuak an nih thu an tarlang a. Mahse, he Advertisement hi belhchian dawl lo a ni tih hriat chhuah a ni a. Misleading Advertisement hi Consumer Protection Act 2019 kalh a ni a. Mipui hruai sual thei a nih avangin he Act hian a khap a ni. Mahse, heti chung hian Electronic leh Print Media kal tlangin sumdawng tamtak chuan an bungruate an service te chu an fak mawi a. Central Consumer Protection Authority zawhna khauh tak a chhannaah chuan Khan Coaching Institute chuan candidate 682 thlan chhuah zingah 674 te chuan mock interview an hmachhawn hram tih thu an inpuang nghe nghe a ni. Misleading Advertisement avang hian CCPA phei chuan India rama 17 major Coaching Centre hnenah vau khan(warning) lehkha ziakin a lo pe tawh nghe nghe a ni.
Mizoramah pawh hian Coaching Centre a awm ta nual mai a. Local channel-ahte hian an ‘Infak mawina’ advertisement kan lo chhiar thin. Hengte hian eizawnna atan leka centre an hawng a nih chuan a fuh dawn lo va. An infak ang ngeiin taima leh rinawm takin hna an thawkin coaching an pe thin tur a ni.
Amazon India-in pawisa a refund loh avangin hrem a tawk! Hei pawh hi han bih leh thuak teh!
Cooch Behar District Consumer Disputes Redressal Commission chuan mi pakhatin Amazon India a khinna chu a ngaihtuah a. Complaint-a a lan dan chuan complainant pakhat hian Amazon India Courier kal tlangin Daffodil Mosquito Bug Bird Net Transparent white barriers 30 zet a chah a. Pawisa pawh advance in Rs. 17970/- lai a pe a ni. Madse,item zingaveng emaw zah chu a bo thlau a.Chuvangin hrem an tawk ta a ni ber.
MRP aia sangin thil i lei e law! I thil hriat loh luatah i buai tlat lo!
He thu hi ka sawi tawhin ka hria ka sawi nawn leh dawn! MRP aia sanga thil hralh chungchang hi! Vai tlangval pakhat, a hming Mr.Kondaih, Andra Pradesh mi chuan Sarvi Food Court-a mi water bottle Rs. 40/- in a lei a. MRP Rs 20/- chauh a ni si!
A tawi zawngin kan sawi ang. He Food Court hi Mr. Kondaih chuan District Consumer Commission-ah a khing a. Food Court hi compensation atan Rs. 20000/- chawi tir a ni a. Complaint buaipui man Rs.5000/- chawi turin tih a ni bawk.
Mizo consumer-te u, harh teh u.
Please visit :
Centre For Consumer Education Centre.
Republic, Mual Vengchung, (near Vety Qtr) Aizawl.
Contact : 9862288182