Zo ri-mawi International Charity Group te’n an buatsaih, ‘ZRI VOHBIK’S GOT TALENT 2023’ chu December 2, 2023 zan khan zawhfel a ni ta a, Vanlalfela S/o Hrangthanga. Bungtlang, Ramhlun (N) a khawsa mek chu winner a ni.
Ani hi Bengngawng leh Tawngtheilo ani a, Nupui Tawngtheilo leh Bengngawng neiin fa -2 annei.
Talent hrang hrang neite:
Kichen cabinet a siam thiam hle a, Drawing, Painting, thil lem siam (Artcraft) etc…ani.
A lawmman dawn:
1) Pawisa fai Rs 1,00,000 ( Nuaihkhat)
2) Chawimawina citation
3) Fahrah nunkawng Lehkhabu
4) Sun Rider a tangin thilpek….
5) ZRI Life member nihna pek nghal ani bawk.
First round hi mi 54 in Video clip an thehluh a tanga endik niin 2nd Round a lut tur mi Top-20 thlan chhuah ani.
He ZRI VOHBIK’S GOT TALENT 2023 hlawhtling taka an buatsaih theihna chhan hi ZRI CHARITY GROUP tan a mi inpe tak tak te avang leh Aizawl khawpui chhunga kan Life member te bakah khawvel hmun hrang hrang a awm, Life member te thahnemngaihna azara hlawhtling thei an ni a, event neih hi a hautak hle a, Rs 4,00,000 chuang an seng.