Assam-a rel pahnihah nimin khan railway police-te chuan puak thei thil thahnem tak an man.
An thil mante hi gelatin tlawn, a deh puahna leh fuse wire te an ni a. Guwahati Railway Station-ah leh Morigaon district-a Avadh-Assam Express rel atangin a ni tih GRP chuan an sawi.
Ip pakhatah gelatin tlawh 440, a deh puahna 700 leh fuse wire tel thum chu Guwahati Railway Station-a a dawhsan (platform)-ah zing dar 5.40-ah an man a. Heng thil hi Government Railway Police (GRP)-in an tih dan thin pangngaia ip hrang hrang an endik (check) laia an man a ni.
He thil thlen hnu lawk, zing dar 7.05-ah hian Jagiroad Railway Station-ah Avadh-Assam Express rel pindan pakhat atangin gelatin tlawn 160 leh a dehpuahna 500 an man leh bawk a ni.
Jagiroad hi Guwahati atanga km 60 vela hlan a ni a. Heng an thil mante hi khawmin thubuai ziah luh a ni a, chhui zui mek a ni.