Aizawl: Canadian Baptist Ministries (India) hotute leh thawktuten Lunglei-a Baptist Church of Mizoram (BCM) hmunpui an tlawh.
Canadian Baptist Ministries hi an hruaitu mi pathum bakah Nagaland leh Odhisa atanga Baptist Association hrang hranga an thawhpui mi 12, an vaiin mi 15-ten BCM hi tlawhin BCM R&D thawktuten an Director Rev. L. Vanlalsanga hovin an lo dawngsawng.
December 2, 2023 khan BCM tlawhtute hi Lalrinawma, Coordinator leh T. Lalfawnveli, Asst.Coordinator ten R&D hmalakna leh project hrang hrang kalpui mekte an fanpui a, kut hnathawktute leh training centre hrang hranga zirtirtute leh zirlaite tlawhin an kawm bawk.
Pathianni kalta khan biak in hrang hrangah inkhawmpuiin Thawhtanni khan BCM Committee Room-ah seminar leh workshop-in hun an hmang a, Thawhlehni khan Lunglei chhuahsanin Aizawl lam an pan leh.
BCM hi CBM nen hian kum 2003 atang khan thawk hovin Community Development Project tha takin an lo thawk ho tawh a. Kum 2022 khan an thawhhona hi chhunzawmin thalaite hmasawnna leh ei zawnna ngelnghet an neih theihna atan puanthui, beautician, electrician, computer zirna leh alluminium fabrication te kalpui chhoh mek a ni.