Mizoram Football Association (MFA) chuan Mizoram Legislative Assembly inthlanpuia Lalnghinglova Hmar, MFA Honorary Secretary ni lai, MLA a thlan tlin a nih hnua Minister of State-a ruat a ni leh Sports & Youth Services Department chang tura mawhphurhna pek a ni chu lawmawm an tih thu an sawi.
Nimin chawhnu khan sports minister pual hian MFA chuan Aizawl City Park-a an pisa-ah thingpui ruai an buatsaih a, Minister hi Jeje Lalpekhlua, MLA in a tawiawm.
MFA President Lal Thanzara leh hruaitu dangten minister hi dawngsawngin Mizoram football hmathlir thahnem tak an neih thu leh chumi hlawhtlinna atana an thawhpui zel an beisei thu te, football chhungkua atanga thlan tlin MLA pahnihte chu an lawmpui thu an sawi.