AS Roma in red card pahnih hmu mahse an result an hum thei a, 1-1 in Fiorentina nen an inhnehtawk.
Stadio Olimpico-ah Jose Mourinho pawlte hian second half minute 64-naah Nicola Zalewski chu yellow card a hmuh nawn avangin an chan a. Minute 87-naah Romelu Lukaku chuan Christian Kouame hlauhawm taka tlawhin red card a hmu ve leh a ni.
Roma tan hian Belgian striker Lukaku-a’n minute 5-naah goal a khung a, tun season-ah inelna hrang hrangah goal 11 a khung tawh.
Zalewski hnawhchhuah a nih hnu lawkah Fiorentina in Lucas Martinez Quarta hmangin an si phurh an sut ve leh a ni.
Point an hloh avangin Roma hi palinaah an awm a, point li in Milan aiin an hniam zawk mek.