UFC double champion lo ni tawh Henry Cejudo chu February thla hian cage chhungah a kir leh dawn a. Merab Dvalishvili nen bantamweight bout pawimawh takah an intum dawn.
February 17 ah California-ah UFC 298 neih a ni dawn a.Cejudo nen hian Dvalishvili nena an inhmachhawn hi an tana thil awmze nei ber a nih thu a lo sawi tawh a. Inremna ziah la ni lo mahse fighter pahnihte hian inhmachhawn an remti ve ve nia sawi a ni.
16-3 record nei UFC flyweight leh bantanweight champion ni kawp thei Cejudo hian kum 2020 a MMA a chawlhsan hnuah kuminah lo kir lehin Dvalishvili teammate champion lai Aljamain Sterling a hmachhawn a, split decision in a vanduai zawkah a tang.
Freestyle wrestling Olympic gold medalist ni bawkin combat sport a fighter ropui zing ami a ni.
A khingpui tur kum 32 mi Dvalishvili hi 16-4 MMA record nei niin a zawnin vawi 9 chak tawh a ni a. Heng zinga tum riat hi bantamweight-ah niin 135 pound huanga chak zawn rei ber pahnihna a ni a. March thla khan champion hlui Petr Yan hnehin Cejudo hi a hneh chuan champion title chuh ngei tura ngaih a ni a. Mahse Sterling nen an inthianthat avang hian inhmachhawn an duh lo niin an lo sawi tawh a, hei hian sawisel a hlawh thin hle.