Cricket Association of Mizoram Cup khelhmeka semi-final hnuhnung zawkah Kulikawn Cricket Club in wicket 6 in Chanmarians Cricket Club an hneh a. Ramhlun Venglai Cricket Club nen final an khle ang.
Suaka Cricket Ground a multi-day match inkhelah hian Chanmarians CC te toss ah vannei in vuak hmasak an thlang a. Lalhriatrenga run 39 leh Bobby Zothansanga 24 runs te vuakchhuah zarah run 131 an tlin hram.
Kulikawn bowler zingah F Malsawmtluanga leh Lalramnunsiama ten wicket thum ve ve la in an vawm tha hle.
Kulikawn hian run 133 an firfst innings-ah an siam ve a, captain C. Lalrinsanga chuan run 42 a vaw chhuak a. Chanmarians CC bowler zingah TC Vanlalremruata chu vawm tha fal in wicket ruk zet a la.
2nd innings-ah run hnih a hnufum zawk Chanmarians in run 165 an siam a. Lalhruaizela’n run 71 siamin Lalhriatrenga’n run 49 a siam bawk.
Kulikawn tan bowler Lalramnunsiama bawk che tha lehin wicket li a la a, Presidents Cup Best Bowler a thlan C. Lalrempuia chuan wicket 3 a la ve bawk.
Run siam harsatna pitch-ah Kulikawn tan Sahil Reza (68) leh Roger Lalruatfela (39) te an che tha a, chak trua an mamawh run 164 siam theiin hnehna an chang.