San Antonio Spurs in defense fakawm takin khel thei mahse an offense a hlauhawm tawk loh thin an tuar leh a. Houston Rockets lakah 93-82 in an tlawm.
Thawhlehni zingah Spurs hi Houston a Toyota Center-ah inlanin an tlawm avang hian an franchise chanchin a record ni turin a zawna vawi 17 nan an tlawm.
Spurs hian Rockets hi 34.4% shooting chauh neih tirin point 93 chiah score tir mahse anmahni pawhin ball an shoot tha tawk lova. Three-points atang vawi 41 an shoot chu tum nga chiah a hlawhtling a ni.
Rockets player pali in point 10 aia tam score in Tari Eason chuan point 18 leh rebound 14 a nei a, team tana hmahruaitu a ni.
Spurs tan star player kum 19 mi Victor Wembenyama chuan point 15 leh rebound 18 a la a. Midang pali in point 10 aia tam thawh bawk mahse team anga offense an khelh that tawk loh an tuar.
Spurs coach Gregg Popovich chuan, “An theihtawp chhuahin an khel a, an kheltha ka ti hle. NBA-ah chuan ball shoot that a pawimawh a, vawi 41 atanga vawi 5 chauh luh chuan a chak theih loh. Defense erawh an khel tha hle.” tiin a team a fak.
Inkhel dangah 131-123 in Indiana Pacers in Detroit Pistons an hneh a. Pistons hi a zawna vawi 20 an tlawmna a ni ve bawk.