Azl: Central YMA chuan Krismas leh kum thar vuakvetah halpuah leh halmawi zuar lo tur leh lei lo turin mipui an ngen.
Thawhlehnia thuchhuah an siamah Central YMA chuan, “Krismas leh Kumthar lawmna atana kan hman thin, halpuah leh halmawi chi hrang hrangte hi mihring hriselna atana hlauhawm leh mi ti na thei a ni a; tul lova sum tam tak senna a nih bawk avangin halmawi leh halpuah leh chi hrang hrang lei lo tur leh zuar lo turin mipuite kan inngen a ni,” an ti.
Ruihhlo do turin mipuite leh YMA branch te an ngen bawk a, “Krismas leh Kumthar hunpuiah hian ruihhlo chi hrang hrang a hluar thin avangin, mi tinte theihtawp chhuaha heng thil tha lote do tlang turin kan inngen a, YMA Branch-te pawh mahni huam chhung theuhvah theihtawpa tanla turin kan inngen a ni,” an ti.
Silai lem, a mu kapchhuak thei chi naupang leisak lo turin nu leh pate an ngen a, hetiang silai lem hi zuar lo turin sumdawngte an ngen bawk.