SCERT-in kum 20- 11 atanga kumtina an hman thin Poetry Festival chu 11 & 12 December, 2023 ch- hungin SCERT Auditorium-ah hman a ni a. Ni 12 December-ah zirlai tithate lawmman semna hun hman niin, Joint Secretary, Sch- ool Education Department R. Lalbiakzu- ala’n a hmanpui.
R. Lalbiakzuala chuan zirlai thu leh hla lama tuimi tam tak an awm chu lawmawm a tih thu a sawi a. Kawng engkimah saptawng thiam a pawimawh a, sorkar hnathawhna kawngah pawh a tangkai em em a ni tiin a sawi a, hmanlai naupangten an neih ve loh hetianga an talent pho chhuahna platform an nei hi tunlai naupangte vannei a tih thu a sawi bawk.
Festival-ah hian Higher Secondary S- chool naupangte tan bik On the Spot Poetry Writing Competition buatsaih thin a ni a, hei hi zirlai ten thu leh hla lama tuina an lo neih theihna tur leh an talent phochhuahsakna atana buatsaih a ni.
He intihsiakah hi- an lawmman pakhatna atanga pathumna siam thin niin, trophy, certificate leh tangkafai pek thin an ni a. Kumina lawmman daw- ngtute – 1st Prize – Hunropuii, St. Joseph HSS; 2nd Prize – K. Vanlalrohluna, Dawrpui School of Science and Technology; 3rd Prize – Lalchawimawia, St. Joseph HSS te an ni.
He festival-ah hian Proficiency in English Award sem thin a ni bawk a. Hetah hian HSLC leh HSSLC-a English subject-a ti thate hnenah chawimawina pek thin a ni. Kum 2011-a bul an tan atangin tuntuma zirlai 33 te hnena an hlante nen, he chawimawina hi zirlai 369 te hnenah pek a ni tawh a ni.