Mamit Ba- wrhsap V.L Remliana hovin Police, Medical, Excise, YMA leh VC te chu nimin khan mipuiin Krismas leh Kumthar hlim leh thlamuang taka an hman theihnma tura dan leh thupek kenkawh dan tur chungchang ngaihtuahin an thukhawm.
He thutkhawmah hian District Magistrate-in thupek a lo chhuah tawh anga Hal- puah, Halmawi, Silai lem a mu nei chi hralh leh lei khapna bawh- zuina atan dawr te check ni se, an ti a. A check tur team hnih an siam nghal a. Mamit khawpui chhung hmun lunlaiah duty post siam leh ni se, tiin, duty post-ah vengchhung YMA, Excise leh Police-te nen tangkawpa duty nise, an ti.
Khawpui chhungah rukruk a hluar avangin Police petrolling uar zawka kalpui leh ni se, tiin, rukru leh dan bawhchhia manchhuah vat an nih theih nan vengtinah CCTV vuah tura hmalak a nih thu an sawi a. Krismas leh Kumthar chhung hian Emergency case awm palh theiah District Hospital, Mamit chu inralring tura beisei an nih thu an sawi bawk.
Bawrhsap hova thu- khawm chuan boruak muanawm tak hnuaia Kristiante hunpui Krismas leh Kumthar hmang turin district mipuite duhsakna an hlan a ni.