Atletico Madrid tan Antoine Griezmann leh Samuel Lino ten goal an khung a, Lazio lakah 2-0 a chakin UEFA Champions League Group E ah hmahruaitu an ni.
Diego Simeone pawlten season liamta khan group stage paltlang zo lo mahse kuminah erawh tlawm nei miah lovin group stage an khel tluan a. Round of 16 lut chiang tawh an ni a, tie draw a chan tha zawk an chan theihna turin Italian team lakah an mamawh point an hmu.
Cívitas Metropolitano a inkhelah Atletico hi chiang taka chungnung zawk an ni a. Inkhel tan tir atanga team hlauhawm zawk niin Samuel Lino a hlauhawm thin viau.
Minute ruknaat Griezmann-a goal khung tur a siamsak a, penalty area hmawr a Lazio player ball a chhuhsak hnuah ball tha a chhawpsak. French forward in laklawh nei miah lova goal-ah khungin tun season Champions League ah goal nga a khungna a ni a. Tun season-ah match 21 atang goal 14 khung tahwin Atletico chanchin a goal khung hnem ber record tluk turin goal hnih khung belh chauh a mamawh tawh.
Mario Hermoso goal khung pawm loh a nih hnuah Memphis Depay ball siamsak atangin Lino-a’n an goal hnihna a khung.
Atletico hi inelna hrang hrangah mahni mualah a zawna vawi 20 an chakna a ni ve bawk.
Celtic in table mawngah an awm dawn tih chiang tawh mahse 2-1 in Feyenoord an hneh ve thung..