Khawzawl district-a Chhawrtui khua in tun thla ni 12 ata- nga an lawm tan – mei mit lova khua an luah champha kum sawmngana leh an khaw ch- huak hawrunpui chu nimin khan Khawzawl Bawrhsap K. Lalroh- lua’n a telpui a. Rs. nuai 10 senga sak Ch- hawrtui Village Council House a hawng nghal.
K. Lalrohlua chu- an Chhawrtui khuain mei mit lova kum sawmnga khua an lu- ah champha an thleng thei chu a lawmpui thu a sawi a. Khaw- zawl District-a khaw dangte ang bawkin Chhawrtui chu khaw fai leh nuam tak a nih thu a sawi.
India ram chu kum 2047-ah ram changk- ang/hmasawn tawh (developed country) ah hlankai ngei tumin sorkarin hma a lak mek thu pawh sawiin, he tum ram (Viksit Bharat) India-in a thl- en ngei theih nan kha- wtlang mipuite chu tai- ma taka hna thawka, faina bakah dan leh thupek zawm kawng ah te tan la turin a ch- ah a. Chhawrtui khua chu Mizo Lal ropui Lalburha khua a nih angin, an lal chanchin leh khaw chanchin te thehdarh kawngah tan la turin kalkhawmte chu a sawm.
Bawrhsap chuan zirna kawnga Khaw- zawl District hmasa- wnna pawh sawiin – Khawzawl khawpui chhunga HSLC exam centre pakhat sikul 12 zetin an intawm thin tiziaawm turin exam centre dang – Model High School-ah neih belh a nih thu a sawi a. Sorkarin Chhawrtui High School dinhmun tha zawka a hlangkai ta chu a lawmpui thu sawiin, kum hmasa lam aia result tha zawk neih tum turin zirlai leh zirtirtute a chah bawk.
Chhawrtui khua hi Mizoram khawchhak lam, Aizawl – Champhai kawng, Kawlk- ulh atanga chhim lam 17 km-a awm a ni a, Lalburha’n a tumkh- atna atan kum 1903 khan Chhawrtui hi a kai a. Kum 1968 ah rambuai avangin Khawhaiah sawikhawm an ni a, kum 1973 ah khaw hluiah an let leh a, kumin hi meimit lova khua kum 50 an luah champha a lo ni ta a ni.