Home Alone (1990): Kum 8 mi Kevin-a chu a chhungte nena France rama Masi hman an tum lai mekin a chhungte bulah tel ve lovin a tang khawtlai a. Khawhar taka a mah chauha In-a a awm laiin, misual pahnihin kawng hrang hrangin an tibuai a. Mak dangdai leh pui rem rem takin Masi a hman pah hial.
It’s a wonderful life (1946): Hmanlai chang tawh mahse he film hi Masi a lo thlen dawn a piangin khawvel mipuite hian en ngei an tum thin. Sawi fiah vak ngai lem lovin en ngei tum la, hlim taka Masi i hman ngei a beisei awm a ni.
A christmas story (1983): Tlaivar zana tawmpui atan chuan thil dang ni lovin he film hi thlang ta pawh ni la, i hlawkpui zawk mai thei. America ramah khuan December 24 tlaiah an chhuah ngei ngei thin a. TBS phei chuan darkar 24 chhung tak meuh a pe thin nia.
Miracle on 34th street (1947): Inhnial buai a ngai lo. Santa Claus hi a takin a awm ngei a ni tih tanchhan duh tan chuan he film hian a puih ngei beisei tlat a ni.
Elf (2003): Will Farrell hian dul thip urh khawpin min chawk tho leh dawn chu a ni a, chhungkuaa han enho atan chuan a tluk a awm chuang lo.
Bad Santa (2003): ‘Nui lo viau ang’ ti engang mah la, i then sung thovang. Eng pawhnise, a nasa thei ang bera nui turin indah phawt mai teh. Santa rui ber bur thin hi i hlimpui viau ang.
The Santa Clause (1989): Tim Allen-a chetthatna ber a ni ti pawh ni ila, tawmpui tu che an tam hle ang. Tu emaw chet-chhiatna chu nang pawhin i hlimpui mai thei a sin. Zan khawvawt vin tak hnuaiah vah kual chiam ai chuan mahni In lum ngeia hun hmanpui nan a tha zawk.
White christmas (1993): ‘Santa Claus’ ni lova, ‘Sandy Claws’ a nih dan ringawt pawh hi mak ve tak chu a ni. Masi film, animation movie en châkte tan thlasik laia nilum ai veng veng ang hi a ni.