Tun hnai kum ruk chhungin Mizoramah kangmei vangin nunna chan mi 18 awmin, kangmei chhuak avangin bungrua cheng vaibelchhe 69 chuang man hu a kang ral.
Fire & Emergency Services, Mizoram hotute’n an sawi danin, kum 2018 atanga 2023, kum 6 chhungin Mizoramah in 238 kangin, ram kang 586 a awm a, FES-in thil dang kang report 268 an dawng bawk a. Kum ruk chhung hian kangmei chhuak avang hian hliam tuar mi 42 awmin, nunna chan mi 18 an awm a, kum 2022 kha tun hnaia kangmei chhuak vanga nunna chan an tam ber kum niin, mi 15 an thi a ni.
Kum ruk chhunga in, ram leh thil dang kang avanga bungraw tih chhiat hlut zawng chu Rs. 69,48,05,642 man vel hu niin Fire & Emergency Services chuan an chhut a, FES-in kang an thelh avanga bungraw chhe ta lo venhim tak chu Rs. 1,87,56,42,87 man hu vela chhut a ni.
Kum kalta 2023 chhung khan FES-in Mizoramah kangmei chhuak report 214 an dawng a, in 31 a kang a, ram kang 140 leh thil dang kang 43 a awm a, kangmei chhuakah hian mi panga awmin, nunna chân erawh an awm lo.
2023 chhunga kangmei chhuakin bungrua a tih chhiat hlut zawng chu Rs. 3,00,07,800 man hua chhut a ni a, FES-in kangmeiin a tihchhiat tur an venhim hlut zawng chu Rs. 42,01,95,000 vel nia chhut a ni.