Africa Cup of Nations champion lai Senegal in an champion trophy humhim turin hnehna changin ke an pen tan a. Gambia nen inkhelin 3-0 in an chak.
Thawhtanni zanah Stade Charles Konan Banny de Yamoussoukro ah Senegal in an match hmasa ber an khel a. Lamine Camara chuan goal hnih a khung zanah hian player 10 a inkhel hmachhawn zo Gambia lakah point thum an hmu.
Senegal in minute 4-naah Papa Gueye hmanga goal khungin hma an hruai a. Halftime dawnah Ebrima Adams chuan red card a hmuh hnuah second half-ah Gambia an bet viau a, nikum a Young African Player of the Year a thlan Camara chuan minute 52-na leh 86-naah goal a khung belh a ni.
Group C inkhel dangah Cameroon in an goalkeeper Andre Onana chu an inkhelhna hmun thleng thei mahse an chhawr hman lova, Guinea nen 1-1 in an inhnehtawk.
Guinea in Mohamed Bayo hmangin minute 10-naah goal an khung a, mahse halftime dawnah François Kamano chu red card vangin an chan.
Second half-ah Frank Magri chuan Cameroon si phurh a sut ve leh a ni.
Group D lamah Algeria leh Angola te 1-1 in an inhnehtawk ve bawk a. Baghdad Bounedjah leh Mabululu ten an ram tan goal an khung ve ve.