CBI hotu lawk pahnih zinga inpuhtawnna awm avanga a hna atanga chawlh laktir, CBI No. 2 Rakesh Asthana chu nimin khan sawn a ni a, Bureau of Civil Aviation Security-ah an hotu ber a ni dawn a, kum hnih chhung he hna hi a chelh ang.
CBI director Alok Verma nena thamna la leh thil dang danga an inmil lohna irh chhuak avanga January 10 atanga chawlh laktir, Asthana hi 1984 batch IPS officer Gujarat cadre a ni.
Asthana rual hian CBI hotu lawk dang pathum – Joint Director Arun Kumar Sharma, DIG Manish Kumar Sinha and SP Jayant J.Naiknavare te pawh sawn an ni a. Anni hi an pute buai laia Verma lamtang kha nia sawi thin an ni.
Sharma hi Central Reserve Police Force additional director general-ah dah a ni.
Sorkar laipui chuan October 23 khan Asthana hi Verma nena thamna laa an inpuh tawnna avangin a chawlhtir a. Hetih lai boruakah hian Joint Director Sharma nen hian an inmil lo bawk a, Central Vigilance Commission chuan a chhungte nen shell company an nei niin an sawi a ni.
Gujarat-cadre IPS officer Sharma hi nikum Fabruary thlaa Verma-a director atana an sawn hnuah March thlaah Joint Director (Policy)-ah dah a ni. October 15 khan Asthana laka thamna lak thubuai siamsak khan chhui tura tih a ni bawk.