Hollywood star Arnold Schwarzenegger chu Munich Airport-a custom-ah sana manto tak a hriattir loh vanga man a ni.
German thuneitute hian airport-ah thil neih hlu leh manto tak te thlawpna tur lehkha pawimawh a neih loh vangin an hreng a, Austria pan tum a ni.
Kum 76 mi leh California Governor hlui nibawk hi airport-ah darkar 3 velzet hren khawtlai ani a, Swiss sana siamtu lar tak Audemars Pigues-a’n Arnold atana a siam chhuah liau liau niin, custom thuneitute’n an zawhfiahna lamah Arnold hian chhanna mumal a pe thei lo.
A pianna ram Austria-a lilamna hmun pakhatah a sana hi pholan tur a nih thu leh heta sum hmuhchhuah hmanga charity neih tur a nih thute thlengin sawi mah se, dan bawhchhia a nih vangin an hreng zui ta tho a ni.
Arnold hian chhiah chawi tur ang angte Airport-ah chawi a tum laiin, credit card hmanna khawl a lo chhe lehzel bawk a, ATM-ah hruai ni mah se, a sum neih a lo tlem lulai bawk si a, hei vang hian rei tak a khawtlai phah a ni.
Credi card hman theihna khawl remchang hmasa ber hmangin sum a lachhuak a, hemi hnu hian buaina leh harsatna dang awm lovin an inchhuah zalen thei ta chauh a ni.