Meghalaya Chief Minister Conrad K.Sangma chuan sorkarin an ram chhunga lungalhthei khura tui lut avanga hna thawk tang zawn hna thawh mek chu a la titawp rih lo tih a puang.
Chief minister Sangma chuan Ksan, East Jaintia Hills-a lungalhthei khura chhiatna thlenga tang, miner 15-te zawn hna chu la thawh zel a ni a, tihtawp tur nge la kalpui tur tih chu thutlukna an la siam thei lo tih a sawi.
December 13 atanga tang tawh, heng mite zawn hna hi ngawrh taka thawh mek zel a ni a. Ruang pakhat chu hmuh a ni a; mahse, lak pawh an la lachhuang thei rih lo va, mi dang phei chu an chin an la hre thei lo.
Chief minister chuan sorkar chuan heng mi tangte zawn hna thawk mek mi thiam leh pawl hrang hrang ngaihdan a zawt phawt ang a, anni thutlukna siam hnuah chauh tihtawp tur nge la kalpui zel tur ni dawn tih chu thutlukna an siam chauh dawn tih a sawi.