India ramin ama puala danpui a hman tan ni, January 26-a Republic Day lo thleng turah a lawmna pui ber, New Delhi-ah chuan sikul naupang 600 an inlan dawn.
Rajpath-a Republic Day lawmnaah sikul naupang inlan tur an tam hle a. Ministry of Defence leh Directorate of Education, Delhi chuan sikul pathum thlan bik an nei tel a, hengte hian lâm an entir dawn a ni.
Sikul naupang dangte hi East Zone Cultural Centre, Kolkata-in an thlan niin lâm chi hrang hrang an entir dawn a. Directorate of Education, Delhi-a Assistant Director Romi Johri chuan Republic Day lawmnaa inlan tur hian thla thum dawn an inbuatsaih tawh tih a sawi.