Siaha Baw- rhsap Lalhmunsanga Hnamte-in Amobyu Vaihthie leh Tipa inkar kawngpui National Hi- ghway 54, National Hi- ghway and Infrastructure Development Corporation Limited (NH- IDCL) siam mek chu nimin khan a enfiah.
Bawrhsap chuan Amobyu Vaihthie leh Tipa inkara National Highway laih vanga compensation la tawh si, in la thiatfel lo te chu karleh Thawhlehni (January 23) ral hma ngeia an in lo thiatfel tura hrilhin, order a pe nghal a. NH- 54 chu mipui ten an chhawr tangkai ber dawn tih sawiin, a hma thei ang bera zawh a tul thu a sawi a. Mipuite chu harsatna siamtu ni lova, sawrkar thawhpuitu ni zawk tur leh thuawih taka in thiat tura tih ten lo thiat ngei tura chahin, khawtina VC Memeber te theihtawp lo chhuah turin a chah.
NH-54 kawng laih meka compensation la tawh si in la thiatfel duhlote avangin hnath- awh a muan phah hle tih Bawrhsap chuan sa- wiin, ‘Jal Jeevan Mission’ kalpui mek pawh tihkhawmuan phah a ni- h thu a sawi a. Kawng laih mek zawhfel a nih loh chuan PHE pipe ph- um theih a nih loh ava- ning harsatna a thuahhnih hle tih a sawi bawk.
In tin ten tui in tur thianghlim an neih theihna turin sawrkarin ‘Jal Jeevan Mission’ a kalpui mek tih sawiin, za-a 99 zawhfel a nih tawh thu Bawrhsap chuan a sawi a. Tun thla ni 26, Republic Day hma ngeia JJM chu za a za (100%) hlawhtinna hmuh a tul tih sawiin, mipuite thawhpuina tha a ngen nghal bawk a ni.