Mizoram Youth Commission (MYC) Chairman thar Malsawmzuala Rate-in nimin khan MYC office, Mizoram New Capital Complex (MINECO)-ah a hna a zawm.
MYC Chairman Pisa kai tan ni puala inkhawm buatsaihah MYC Chairman thar chuan MYC chu ram hnuk pawimawh tak a nih avangin mawhphurhna sang tak a ko ah a tla tih sawiin, chona thar hmachhawn tur a nih avangin a tan pawh inzir chawp ngai tam tak a awm dawn tih a sawi a, Mizoram chhunga thalaite tana din a nih ang ngeiin MYC kaltlanga hmalak tul ang chi ah te, hma thar lakna tur chi te pawh thurawn engtiklai pawhin a la thei reng tih a sawi.
“Mizo thalaite kan thatchhia” tih tawngkam ri thin chu a ngaihdan a nih loh thu leh a awih ve zawng a nih loh thu MYC Chairman chuan sawiin, thalaite zingah an thiam zawng, chak zawng leh rilrem zawng thawka hlawhtlinpui turin hun remchang a vang a, an tuina zawng tak thawh a rem rih loh vanga sum la thawk chhuak lo, mahni kea la ding thei lo, la intodelh lo leh la hlawhtling ve rih lo te an ni thin zawk niin a sawi bawk.
MYC Chairman thar Malsawmzuala Ralte hi a nupui Lalchhandami, a nu leh pate, party lama a thawhpuite, a thianthate leh a chhungte engemawzatin an tawiawm a ni.