AZL: Tun hnaia Rajasthan-a National red Ribbon Quiz Competition-a champion, Republic Presbyterian English School zirlai pahnih Zonunsangi, Class 8 leh Janet Malsawmpuii, Class 9 te chu nimin khan chief minister Lalduhoma’n a pisa-ah lawmpuina thingpui a inpui.
Chief Minister Lalduhoma chuan Zonunsangi leh Janet Malsawmpuii te chu zirlai naupang taima leh entawntlak, Mizoram hming timawitu an nih avangin lawmthu a hrilh a. Lehkathiam tak, ram tana mi tangkai tak an nih chhoh ngei theih nan duhsakna hlanin, anmahni enkawltu Republic PES thawktute leh MSACS chungah pawh lawmthu a sawi bawk.
Naupang te hi Rajasthana hruaitute – Joseph Lalnunmawia, Asst. Director, MSACS, Zonunpuii Khawlhring, Teacher, Republic PES leh Dr. John Hlychho, Principal, Republic PES ten an tawiawm a ni.