2nd battalion Assam rifle leh ZoCareer Solutions Chanmari te tangkawpin sipaia lut duhte tana free coaching class an buatsaih chu nimin khan hawn a ni.
Hawnna inkhawm hi Assam Riffle Gajrat Hall-ah neih a ni a, coaching class hawngtu Lt. Col Nikil Prakash chuan he program in a tum ber chu Sipai hna lak tur hrang hrang; Indian Army (Agniveer), Assam Riffle SSC(GD) leh Defence lam exam hnaruak dangte ah mizo thalaite a tam thei ang ber an luh theihna atan Pre-Recruitment Coaching Class buatsaih a nih thu a sawi a, Assam Riffle chuan a thawkrim leh taimate chu theihtawp chhuahin an tanpui tur thu a sawi.
ZoCareer Solutions Director RK Hnuna chuan Pre recruiment training chu Mizo thalai Sipai nihtumte chuan hmang tangkaia, a tawp thlenga hlawhtling ngei tura tel vek turin a sawm a ni.
Pre Recruitment Training-ah hian Written Test atan thla khat chhung coaching class kal a ni phawt ang a, Physical Test Training neih chhunzawm leh tura a ni a, Mizo thalai 153 an inziak lut a, zirlai bu leh an mamawh angte a thlawn vekin an dawng dawn a ni.