Aizawl: Rajya Sabha MP K Vanlalvena’n MNF sorkar nghet taka an ding angin ramriah hian ZPM sorkar chu nghet taka ding ve turin a phut.
Thawhtannia MNF-in Mizo Hnam Runa chhung inkhawm an neihah thu sawiin sorkar kalta MNF sorkar lai khan hnam thilahte fiahna an tawng fo a; mahse, fiahna an tawnah an tisual lo tih a sawi a. “Manipur leh Myanmar atang pawhin kan tawng a, dik tak, tha takin kan paltlang a. Kum nga chhung khan hnam thila fiahnaah kan chesual loin ka hria a, tun kan sorkar thar pawh hian fiahna an han hmachhawn ve tan a,” tia sawiin, sorkar thar chu MNF sorkar nghet taka an ding ang khan ramriah nghet taka ding tura ngenin, “Kan hnam, kan chhan vanga hmasawnna turin a thuanawp dawn a nih pawhin hnam chhan nan ding zel turin ka chah duh a ni,” a ti.
K Vanlalvena chuan, vawiina ram leh hnam thlavang an hauh ngam loh chuan nakin zel atan a pawi dawn tih a sawi bawk.
Inkhawm hi C. Lalmuanpuia, Adviser MNF Gen. Hqr.-in a kaihruai.