Barcelona chu kum 2026 atangin Formula 1 intlansiakna Spanish Grand Prix thlengtu a ni tawh dawn lova. Madrid in thlakin tlankawng tharah an tlan tawh dawn.
Formula 1 chuan kum 2030 ah chuan boruak ti bawlhhlawh zawnga nghawng neih tlem tumin hma a la mek a, he hmalakna zingah hian Madrid a insawn hi a tel a. Entu mipui tana pan awlsam zawk intlansiak ni tura duan a ni.
Spain khawpui Madrid khawdai leh Barajas airport inkar a duan tur tlankawng hi entu mipui za a 90 in mahni lirthei ni lovin vantlang chuanna rel leh metro te hmangin an pan thei dawn niin F1 lamin an sawi.
Madrid in kum 1981 hnua a vaiwkhatna atan Grand Prix intlansiak a thleng leh dawn a. Kum 2035 thleng tlan turin inremna an nei.
Hetihlai hian kum 1991 atanga hman ni tawh tlankawng ngaihhlut Circuit de Barcelona-Catalunya aia khawlai kawnga intlansiak a awm belh tur chu fans te zingah sawisel an awm nual.