Kawng hliam vanga Australian Open a khelh theih loh hnuah Rafael Nadal chuan February thla khian Qatar Open khel turin a inziak lut.
Kum 37 mi Nadal hian kum khat chhung inelna a hmachhawn loh hnuah Brisban International-ah a inlan a, mahse Melbourne lam pan lovin Spain lamah a hliam avangin a kir lehnghal.
Qatar Open hi February 19 atanga 24 chhunga khelh tur a ni a. He ATP 250 inelnaah hian champion lai Daniil Medvedev, world number five Andrey Rublev leh Andy Murray te pawh an inlan dawn.
Grand Slam a vawi 22 champion tawh Nadal hi Brisbane-ah vawi hnih a chak hnuah quarter-final ah a inhliam leh a. Tun tuma a hliam erawh tihrawl lam niin a kawng lam a nih loh avangin rei tak chawlh ngai tur niin a lang lo.