Italian football club hlun Inter Milan chuan huntawp dawn tawhah goal an khung a, Serie A champion lai Napoli lakah 1-0 a chakin a zawna kum thum nan Italian Super Cup-ah an champion.
Thawhtanni zanah KSU Stadium-ah Supercoppa Italia final hi khelh a ni a. Inter hian a tum riatna atan he trophy hi an la a, Juventus in Italy a record ni tura vawi 9 an lak chu pakhat chauhin an pha tawh lo.
Saudi Arabia a Super Cup inelnaah hian team pali an tel a, season liamta a Serie A leh Coppa Italia ah a sang pahnihte ve ve in an khel.
Inkhel a goal awmchhun hi Inter Milan leh Argentina striker Lautaro Martinez khung a ni a. Minute 90-naah Benjamin Pavard-a thawhrah sengin French defender ball siamsak hi goal-ah a khung.
Napoli in second half tir lamah forward Giovanni Simeone chu red card avangin an chan ve bawk.
Inter manager Simone Inzaghi chu Supercoppa a champion ngun ber coach niin title vawi nga a la tawh a. “Napoli hi kan lawmpui tur a ni, fak an phu a, an khel tha tak zet.”
“Ni thum kalta leka semi-final kan khelh hnuah tunah kan inkhel leh a, hei hi kan zavai atana thil thar a ni a, kan rilru a pen loh nan kan insawrbing nasa hle.” a ti.
Match 27 atanga goal 21 khung tawh Martinez chuan, “Chawlh hun kan neih tlem avangin a harsa zual a, nikhat a kan chawlh rei loh avang khan kan hriam tawk lo fo thin a ni.” tiin an chak hnuah a sawi ve bawk.